அடர்கானகத்து புள்ளிமான்

இரவின் கனவு
மிகுகிறது
வாழ்வு மீண்டபின்
சுகித்துக் கிடக்கிற ஆவிகணின்றும்
சுருண்டு படுக்கிற
பிசாசுகளினின்றும்
தப்பியோட முயல்கிறது
ஒளிக் கிரணத்து புள்ளி சூழ்ந்த
மானொன்று
அடர் கானகத்தின்
பச்சையங்களூடாய்
அது ஓடி ஒளிகையில்
ஒவ்வொன்றாய்
காற்றில் கரைந்து போகின்றன
ஒளிர் புள்ளிகள்
முடிவிலா பச்சை நிறத்து
அடர் இருட்டுக்குள்
பயணிக்கும்
நீங்களும் காணலாம்
புள்ளிகள் தேடி அலையும் மானை!
அல்லது
மான் தேடி அலையும் புள்ளிகளை!